بين الناس، شعر ساخر بالعامية المصرية

(بين الناس)
 يا بني حرام عليك.
 شايف منين جاي الضي.
 دا ولاد الحلال مشكورين.
 منهم ال ماشي ومنهم ال راكب خيل.
 فاكر زمان لما كنت بتلعب بالفانوس.
 بتنادي على محمد ومينا ونادين.
 مش فارق معاك جار مين.
 كلهم ولاد تسعة،
 وبيسألوا ع المريض.
 فاكر طبق البصارة،
بتلف على كل الحارة.
 ومش عارف الطبق كان بتاع مين.
 ماهو الطبق داير بقاله سنين.
 مالك يابني بقيت محتاس.
 خايف لتدوس عليك الناس.
 هيثم وشاكر وايناس.
 ما انتاش عارف الضربة جاية منين

إقرأ أيضا مراجعة عزازيل يوسف زيدان
         اوعي تنسي كلام الاصيل.
 "الكريم كريم ولو لفوا به الحمار مقلوب "
 أوعى تطاطي للناس،
دا ربك رب الناس.
 وطول ما أنت ماشي مستقيم يحتار عدوك فيك.
 ما احنا مش واقفين على المسرح.
 نقول فلان قال وقلان عاد، ولا نقول امشوا يا ناس .
 احنا بنقول ياساتر يارب الناس.
 ما تخافش ما أنت سندك هو الرحمن.
 يابني واسمعها نصيحة،
ال راح مش بيرجع
ولو قلبت نفسك مداس لرجل الناس.
 البس هدومك من على الحبال.
 وامشي رافع راسك
ومتخافش من الأمثال.
 وربي إبنك على حب الخير لكل الناس.

شعر عامي
 بقلم Amy Ismael أميرة إسماعيل