رواية أميرة بقلب سجان رحاب ابراهيم كاملة
الفصل الثانى
اميرة .... بقولك يا نورا لقيتى حاجة فى الجرنال
نورا بخيبة ... للاسف لا مافيش شئ يناسبك خالص يا اميرة بس هتلاقى اكيد وهاجيبلك الوسيط بكرا واكيد هنلاقى
نيرمين بعصبية تمسك هاتفها وتتصل برقم
نيرمين بصوت عالى ... الووووووووو
جودى ...... نيموووو عاملة ااايه يا حبى
نيرمين ... انا. كويسة اووووى احسن من ناس كتير ( تعمدت ان تنظر لاميرة لكى تستفزها ولكن اميرة تنظر بجرنال اليوم )
جودى ....انا بقى مش كويسة خااالص يا نيمو
نيرمين .. ليه ماالك
جودى .... تيتة يا ستى مش راضية تخلينى اخرج يعنى ده جزاتى ان جيت ابات معاها يومين اتارى كل عيالها سيبينها ومحدش معبرها فيهم وعايش معاها ... تصورى دى بتقولى ماتخرجيش بعد الساعة ظ،ظ*
نيرمين ... نعم عاشرة ده ااايه دنا بصحى عاشرة اصلا انتى بتهزرى اكيد
جودى ... والله ما بهزر قالتلى كدا بجد
نيرمين .... طب يعنى مش هاتيجى النهاردة ده حتى النهاردة المز بتاعك هيبقى موجود
جودى ... ماتفكرنيش بقى يا نيرمين انا بحاول انسى دنا بقالى شهر مستنية عيد ميلاد داليا اخته عشان اعرف اشوفه ويوم ما يجى ادبس التدبيسة دى
نيرمين ... يا حظك يا جودى طب ماتحاولى تفلتى منها
فى منزل صفية
شهدت سعاد ما حدث بين الجدة وحفيدتها ثم انتظرت حتى هداء الموقف ودخلت الحفيدة المدلله غرفتها بعصبية ثم دخلت لصفية
سعاد ... حمد الله على سلامتك يا صفية هانم
صفية .. الله يسلمك يا سعاد الف شكر على اللى عملتيه معايا سنية قالتلى واشكريلى ادهم جداا على الله عمله معايا وانا لما اقوم بالسلامة ان شاء الله هشكره بنفسى رغم انى استغربت اووى و
(صفيه وقد شعرت انها اخطأت فى الكلام )..
قصدى يعنى ان اا.....بقلم رحاب ابراهيم
سعاد .. فاهمة قصدك بس اللى اقدر اقوله ان كلكم فاهمينه غلط
انا اللى مربياه وعرفاه هو مش زى ما بتسمعى نهائى عموما الحمد لله اطمنت عليكى استأذن انا بقى .. مع السلامة
صفية وقد شعرت بالذنب ... الله يسلمك
خرجت سعاد وذهبت الى الشقة الاخرى مكان عملها ودخلت المطبخ مباشرة
سعاد .. ها ..خلصتى اللى وراكى يا صباح ماتناميش قبل ما تخلصى كل حاجة فى المطبخ
صباح .. خلصت اهو يا ست سعاد ورتبت كل حاجة
سعاد .. طيب كويس اعمليلى بقى فنجان قهوة بسرعة كدا
صباح .. حاضر من عنيا
وجلست سعاد على مقعد بالقرب وتذكرت معتز
سعاد .. الا قوليلى يابت يا صباح هو الدكتور معتز لسه عند ادهم بيه جوه ولا مشى
صباح .. لا تقريبا مشى انا سمعت باب المكتب بيتفتح من شوية وهو بيكلم ادهم بيه
هو ليه ادهم بيه مابشفهوش بيضحك الا لما بيجى الدكتور معتز بس يا ست سعاد ده بيبقى حد تانى خاالص وبيتغير
سعاد بسخرية .. حتى انتى يا صباح .. كملى شغلك كملى
...............................................
داخل غرفة المكتب يجلس ادهم بكل هيبته ينظر الى الاوراق امامه بتفكير حتى سمع دقات خفيفة على الباب
ادهم ... ادخل
دخل الحارس (جمال).. ادهم بيه استاذ امين سكرتير حضرتك برا انا اتصلت بيه زى ما قولتلى
ادهم ولم تغادر عيناه الاوراق ... دخله
الحارس .. حاضر يا ادهم بيه ثم واشار الى امين ليدخل
دخل امين السكرتير وهو رجل كبيرا فى السن يتخطى الخمسين
يبدوا عليه الذكاء والخبرة المهنية وهو السكرتير العام لادهم فى شركاته
امين ... ادهم بيه حضرتك طلبتنى ..بقلم رحاب ابراهيم
ادهم ....ايوة يا امين اقعد ماعندناش وقت ..ثم القى بعض من الاوراق اليه ليقرأها وتلاقاه امين ليقراها بشكل متفاجئ
امين ... دمج ؟؟ انا مش فاهم حاجة يا ادهم بيه ممكن تفهمنى ؟
مشروع الدمج ده ماكنش من ضمن اجتماع بكرا ولا حد مرتبله من اعضاء مجلس الادارة يمكن محدش يعرفه حتى ؟
ادهم بنظرة صلبة ... ومن امتى وانا بقول لحد اللى فى دماغى
انا قلتلك لانى اولا عايزك تحضرلى التقارير اللى هتتوزع بكرا فى الاجتماع على فريق الادارة وثانيا عشان تشرحلهم ايه اللى هيحصل انا ما بحبش اتكلم كتير خصوصا فى الاجتماعات
امين .. طيب بالنسبة لشركة نيكولاس چين الفرع بتاعها اللى فى مصر اللى اعرفه ان حضرتك اتفقت معاه تديله قرض لان الشركة بتاعته خسرت كتير فى الست شهور اللى فاتو والبنوك رفضت تديله قرض وحضرتك عرضت عليه تقرضة بدل البنوك
ادهم وهو ينفس دخان سيجارته للاعلى ويبتسم فى سخرية .. كمل اسألتك يا امين
امين ... انا مش فاهم يا ادهم بيه هو حضرتك هتديله القرض ولا هتدمج الشركتين بس لو دمج هيبقى ليه اسهم وهيدخل فى شئون اعمالنا كلها واعتقد ده مش هيبقى فى صالحنا كدا قرارات المشاريع كلها هنستنى موافقته عليها وده هيعطل شغلنا
ادهم وقد صوب عينيه الى سكرتيرة بنظرة ماكرة .... بالنسبة للقرض فمافيش قرض وبالنسبة لمجلس الادارة والاسهم فبردو مش هيدخل
امين بحيرة ... انا مش فاهم يا ادهم بيه شركة نيكولاس للاستيراد والتصدير وشركتنا الكترونيات متطورة يعنى مش نفس مجال عملنا ..بقلم رحاب ابراهيم
وكمان مش هتزودلنا شئ احنا مش محتاجينها فى شئ
ادهم ... نظرتك ضيقة اووى يا امين شركة نيكولاس معروفة عالميا هى مش الانجح على الاطلاق لكن معروفة جداا ومن حظه الاسود انه عمل فرع ليها هنا من اربع سنين .
ثم ضحك بسخرية على شئ اتى فى خاطره واكمل... وده طبعا من ارباح الفرع اللى فى لندن وافتكر انه خلاص بقى ملك بس ماكنش يعرف انى مش هسيبه( وضحك مرة اخرى )
ونظر امين اليه بريبة
ادهم .. اللى عاوزه منك تحضرلى التقارير لاجتماع بكرا
امين .. طب انا لسه ما فهمتش
ادهم .. هتفهم بكرا
امين .. تمام يا ادهم بيه استأذن حضرتك
ادهم ....اتفضل
خرج امين هو مشتت الذهن من هذا الرجل الماكر الذى لا يعلم احد بماذا يفكر وقفل الباب ورائه بهدوء
رجع ادهم للوراء فى مقعده ونظر الى دخان سيجارته وهو يعلو وردد
ادهم .. مشكلتك يا امين انك حافظ مش فاهم
وتاه مرةاخرى فى تفكيره مرددا .. دى حسابات قديمة ولازم تخلص
................................................
دخلت نيرمين الشقة معلنة وجودها نظرو لها كلا من نورا واميرة ثم ارجعو بصرهم مرة اخرى وعادو لحديثهم
نيرمين .... اناااااا جيت
اميرة .. كويس انك جيتى الجو بدا يسقع وممكن يقلب فى اى لحظة
نورا ... جيتى بدرى يعنى النهاردة مش عوايدك
نيرمين ...عيد الميلاد خلص بدرى دنا كمان لفيت كتير قبل ما اجى على هنا
اميرةا .. امممممم طب كويس عشان تذاكرى شوية
نورا .. صح ممكن تذاكرى شوية انتى مقصرة اووى فى المذاكرة اليومين دول يا نيرمين
نيرمين ... انتو مش بتعملو حاجة فى حياتكو غير المذاكرة والاكل والنوم
ووقفت اميرة لتهرب من هذا الحديث الممل مع نيرمين كالعادة
اميرة ... طب انا داخلة اوضتى يلا تصبحو على خير
نيرمين ... هتنامى تانى دانت لسه صاحية من كام ساعة
اميرة ... انا قلت داخلة اوضتى ما قولتش داخلة انام
نورا ... ماشى يا اميرة روحى ارتاحى انتى شوية
اميرة .. ماشى يلا تصبحو على خير
نيرمين ونورا معا.... وانتى من اهله
وذهبت اميرة للداخل وتركتهم فى الصالة
نورا ... نيرمين لازم تذاكرى شوية مش كل يوم سهر سهر انتى عايزة تنجحى ازاى وتجيبى تقدير ..بقلم رحاب ابراهيم
نيرمين بنفاذ صبر .. يوووووه يا نورا لما تركزى معايا هو مش انا حليت حلو فى الميد تيرم وعلى يدك
نورا بسخرية ..... والله !! انتى مصدقةنفسك الميد تيرم ده لو الدكتور ماكنش مسافر وقدم ميعاد الامتحان شهر او اكتر وامتحنا فى نص المادة بس ماكنتيش لحقتيه عموما انا عملت اللى عليا وحذرتك وانتى حرة
نيرمين ... ساعات بحس يا نونو انك امنا
نورا بابتسامة طيبة ... اعتبرينى زى ما تعتبرينى المهم تبصى لمصلحتك وتشوفى مستقبلك لان اللى انتى فيه ده مش صح
نيرمين .. ههههههههههههه ماشى يا جميل خليكى انتى فى جرنالك ده .. اه صحيح لقيتى شغل لاميرة
نورا .. يعنى
نيرمين وهى تتصنع عدم المعرفة ... يعنى اايه.. بصى عموما يا ستى لو غلبتى اوووى انا ممكن اشغلها فى شركتنا
نورا... لا شكرا كله الا انتى دانتى لو هتشغليها صاحبة الشركة لا برضو
نيرمين .. اشمعنى يعنى ليه هو انا بوبع هاكلها
نورا ... لا بوبع ولا مش بوبع انا داخلة اناام تصبحى على خير
نيرمين .. وانتى من اهله
ودخلت نورا الى غرفتها المشتركة مع اميرة وقفلت الباب ورائها
نورا .. اايه يا ميرا هتفضلى قاعدة وبصة للسقف كدا مش هتنامى
اميرة .. نمت كتير النهاردة يا نورا مش هعرف انام تانى بليل
نورا .. يعنى هتفضلى كدا صاحية طوول الليل
اميرة .. هفضل صاحية لحد ما انام لوحدى نامى انتى
نورا بأستسلام .. خلاص عموما اول ما هصحى الصبح هصحيكى معايا عشان الجامعة
اميرة .. لا مش رايحة بكرا
نورا .. ليه بقى
اميرة .. معلش اعتبريه يوم غياب زيادة يا نورا مانا بقالى شهر غايبة عن الكلية
نورا .. يا اميرة لازم تلمى محضراتك انتى ما حضرتيش الا ظ£ اسابيع من التيرم ده
اميرة ... بكرا يوم مهم فى حياتى مش هعرف اروح بكرا الجامعة سبينى براحتى يا نورا
نورا ... انتى حرة بس يا اميرة انتى عمرك ماكنتى عنيدة كدا انا بدأت اخاف عليكى من عندك ده اول حاجة كانت فى حكاية الشغل اللى جيباه ليلى وتانى حاجة مش عايزة تروحى بكرا انتى محسسانى انك هتناقشى الماچيستير بكرا
اميرة .. انتى ناسية انى المفروض اروح اشوف الشغل بكرا
نورا .. لا مش ناسية بس كمان ماتوقفيش الدنيا عشان مقابلة هتاخد ساعة بالكتير
اميرة .. مش هروح بكرا يا نورا خلاص انا قررت
نورا .. براحتك يا اميرة
واتجهت نورا الى سريرها لتنام وظلت اميرة سارحة بخيالها الحزين وتذكرت اباها وتبكى حتى تهدا وتظل هكذا لفترة وترجع للبكاء مجددا حتى بداء قرأن الفجر يرتل
....................
فى هذا الحين كانت نيرمين تتحدث على الهاتف لاحد اصدقائها فهذه عادتها لا غريب فى ذلك ثم قفلت الهاتف ودخلت غرفتها المشتركة مع ليلى والاغرب ان ليلى كانت مستيقظة فى هذا الوقت وكانها تنتظر شيئا
ليلى ... اااخيراا دخلتى انا مستنياكى من ساعتها ومش راضية اطلع برا
نيرمين ... ليه فى اايه هو احنا عاملين عاملة الله يخربيتك
ليلى .. مش كدا بس انا قلقانة من نورا بصراحة
نيرمين ... امممممم احكيلى بقى وبصوت واطى كدا قلتلها ايه بالضبط
ليلى ... انتى اول ما اتصلتى عليا وفهمتينى الموضوع طلعت برا ولقيت نورا بس اميرة كانت بتصلى وده لحسن حظنا وقلت لنورا على موضوع الشغل زى ما قولتيلى بس زودت التاتش بتاعى
نيرمين .. تاتتش اايه بقى شكلك هببتى الدنيا
ليلى .. ولا هببت الدنيا ولا حاجة انتى قولتيلى اقولها هتشتغل لمدة اسبوعين بس انا قلتلها شهر عشان ما تشكش فى حاجة وكمان قولتلها ان المرتب ظ£ الاف جنيه عشان المرتب يبقى مغرى وصعب يترفض ومستحيل تلاقى شغل بالمرتب ده وهى بتدرس ومعندهاش وقت كفاية
نيرمين باعجاب ... ااااحبك يا لولو طلعتى بتفهمى يابت والله تصدقى فاتت عليا حكاية المرتب دى ...بقلم رحاب ابراهيم
ليلى .. المهم بقى هتعمليلى اللى قولتلك عليه
نيرمين ... لو حصل زى ما فى دماغى هعملك اكتر كمان من اللى عوزاه
ليلى .. اتفقنا
...............................
سمعت اميرة اذان الفجر قامت وتوضأت وصلت الفجر فى خشوع وقفت بين يدى الله تحدثه فى سجودها وبعد ظ،ظ* دقائق كانت انتهت من الصلاة ولكنها لم تقم ظلت جالسة ورفعت يديها للسما قائلة
اللهم صلى وسلم وبارك على نبينا محمد واله واصحابه اجمعين
استغفرك ربى واتوب إليك
يااارب يارب خد بأيدى وقوينى وابعد عنى الشر يارب ياارب حققلى كل احلامى ياارب بأجمل مما اتوقع وسهلى طريقى وافتحلى ابواب رزقك ياارب
ودعت الى اباها كثيرا ثم قامت وخلعت جلباب الصلاة وخلدت مرة اخرى للنوم ولكنها هذه المرة نامت حقا
...........................
الساعة دقت السابعة صباحا قامت نورا بكسل من سريرها وببطئ تحركت وهى تتثائب واقتربت من اميرة كى توقظها هى الاخرى ولكنها رات شئ اضحكها
نورا .. اميرة بت ياااااااميرة انت بتحلمى بايه وبتضحكى كدا يابت
اميرة وهى مغمضة العينين وضوء الغرفة يزعجها .. اايه يا نورا فى ايه
نورا ... انطقى يابت كنتى بتحلمى بمين وبتقوليلوه خدنى
اميرة باندهاش ... بضحك وبقول خدنى لا دانتى اللى شكلك كنتى تايهة
نورا .. تايهة �� ماشى ياختى انا هروح اجهز نفسى عشان هروح الجامعة مش ناوية تغيرى رأيك وتيجى معايا
اميرة ... لا مش ناوية روحى انتى
نورا .. براااااحتك
خرجت نورا ودخلت الحمام حتى تغتسل وتجهز للخروج
راقبتها اميرة حتى اطمئنت ان صديقتها ابتعدت بالفعل وظهرت على وجهها ابتسامة خجولة لم تعرف مصدرها فهى متذكرة ذلك الحلم اجمل ما رأت من احلام
رات نفسها وهى ترتدى فستان ولا اروع ورجل مجهول يأتى من بعيد وبيده تاج من لؤلؤ اقترب منها ووضعه فوق رأسها بحنان ونظر اليها بعشق رأت عيناه فقط كانت من اجمل ما يكون ثم اوقظتها صديقتها
اميرة .. كان لازم يعنى يا نورا كنتى استنى ظ¥دقايق وصحينى
وتذكرت مقولة كتبتها مرة فى اجندتها الخاصة
اجمل ما فى الاحلام انها احلام نستطيع تحقيقها فى غمضة عين واصعب مافى الواقع انه واقع لا مفر منه ولا مهرب
..................................
استعدت نورا للخروج ولكنها ذهبت الى غرفة ليلى ونيرمين وفتحت الباب ببطئ حتى رات ان ليلى استيقظت هى الاخرى
نورا ... ليلى صباح الخير
ليلى ... صباح النور ايه عندك محاضرات بدرى كدا يا نورا
نورا .. ايوة بقولك اايه عايزاكى فى حاجة برا ها
ليلى .. طيب هغسل وشى وجاية وراكى
وخرجت نورا ودقائق واتت اليها ليلى وهى تجفف وجها
ليلى .. اايه بقى عايزة ايه
نورا ... عايزة عنوان جدت صاحبتك
ليلى وقد صدمت من السؤال ... اا اايه العنوان عايزاه ليه
نورا .. عيزاه يا ليلى عشان هنروح انا واميرة النهاردة
ليلى .. طب مانا اتصلك بيها وتجيلك لحد هنا يابنتى ليه الدوخة دى
نورا ... لا معلش البنت جدتها مريضة ماينفعش تسيبها وتيجى ده حتى يبقى عيب علينا
ليلى ..طيب استنى هجيب ورقة وقلم واكتبهولك
نورا .. طب يلا بسرعة
ليلى دخلت مسرعة الى نيرمين واوقظتها وفى لحظات كانت روت ما حدث
نيرمين بعدم اطمئنان .. خدى العنوان اهو ... وكتبته فى ورقة
خرجت ليلى وسلمت الورقة لنورا
ليلى .. اهو ياستى العنوان يمكن بكدب عليكى
نورا .... يلا سلام
وخرجت نورا واقفلت الباب ورائها باحكام
.....................................
وفى كافيترية الجامعة انتظرت نورا احدا
تامر ... ببببخ خضيتك
نورا .. لاا طبعااااااااا
تامر ... قوليلى الاول فطرتى
نورا ... تامر هو انا سايبة محضراتى وجيباك بدرى كدا عشان افطر
تامر .. اومال ايه اللى خلاكى تجيبينى على ملا وشى كدا عالصبح
حكت له نورا على موضوع اميرة باكمله
تامر . طب وانتى ايه اللى مخليكى حاسة ان الموضوع فيه مؤمرة يعنى مايمكن عايزة تساعدها عادى ...بقلم رحاب ابراهيم
نورا ... مش ليلى
تامر .. مش فاهم بردو .. ليه واخدة موقف من ليلى ونيرمين
نورا ..... مش انا اللى واخدة موقف الاصل فى الموضوع هى نيرمين
تامر .. ازاى
نورا ... بص انا ماكنتش حابة احكى الموضوع ده بس هحكيه
نيرمين وانا واميرة كنا كويسين جدااا مع بعض لحد السنة اللى فاتت وليلى ماكنتش لسه ساكنة معانا هى سكنت بعد المشكلة دى بكام يوم كدا
تامر ..ايوووة ايه بقى اللى حصل السنة اللى فاتت
نورا ....اصبر بس هحكى اهو
نيرمين حبت واحد معانا فى الشعبة والشاب ده كان جد شوية وماكنش عايزها تكلم زمايل شباب ليها خالص المهم هى كانت بتاخد الموضوع عادى وبيزعل شوية وبيصالحها تانى مرة على مرة هو زهق من الموضوع ده جداااا
وفى مرة كنت انا واميرة مستنيين نيرمين برا الجامعة عشان نمشى مع بعض ونيرمين كانت واقفة مع واحد زميلنا فعصام جه
تامر ... عصام ده اللى هو حبيبها اصلا
نورا .. ايوة .. فزعق معاها وزميلنا مشى عشان مايحصلش مشاكل اتاريه كان واقف مع نيرمين عشان عايز يكلم اميرة ومعجب بيها وباخلاقها ونيرمين دفعت عن اميرة وقالتله انها مش بتاعت تسلية زى البنات اللى بيمشى معاها وكدا وطبعا حكت لعصام هى كانت واقفة ليه مع زميلها عشان تبرا نفسها قدامه
بس عصام كان غشيم شوية بقى فى كل مشكلة يجيب سيرة اميرة ويقولها ادى البنت المتربية محدش بيفكر حتى يتسلى بيها لحد مافى يوم قالتله خلاص طالما عجباك كدا روح اتقدملها مستنى ايه
تامر .. وراح �� ..بقلم رحاب ابراهيم
نورا ... المصيبة انه خدها عند وراح فعلا يكلم اميرة
تامر .. ااااه انا كدا فهمت الموضوع مش محتاجة تكملى
نورا ... بص العنوان اهو انا نقلته فى ورقةتانية عايزاك تشوفلى العنوان ده بجد ولا لاء وفى فعلا ست مسنة هناك وعايشة لوحدها ولا لاء
تامر واخذ الورقة منها ووضعها فى جيب بنطاله
تامر .... ماشى هشفهولك انتى ساعات بتحسسينى انى وزير الدخلية مش لسه حتت ضابط صغير فى بداية حياته
نورا ... ربنا يخليك ليا يا تيمووووو
تامر .. ويخليكى ليا حبيبتى بصى انا همشى بقى عشان الشغل انا جيتلك بالعافية
.نورا ... خلاص ماشى خلى بالك من نفسك
تامر.. ماشى سلام .
.................................
فى منزل صفية
جودى ..... سنية ياااااااااا سنية
سنية .... ايوة يا جودى هانم
جودى ... تيته فطرت ؟
سنية ... ايوة فطرت ياهانم
جودى .. طب هى عاملة اايه دلوقت بقت احسن
سنية ...هى احسن من امبارح ياست جودى لكن مش قادرة تتحرك زى الاول
جودى.. طيب روحى انتى
سنية .. احضرلك الفطار يا هانم
جودى .. مش عايزة اتنيل
ودخلت جودى غرفتها بغيظ واخرجت هاتفها واتصلت بوالدتها
جودى .. الوو ايوة يا مامى
الام .. مالك ياروحى صوتك زعلان ليه
جودى حكت لوالدتها على ماحدث
الام ... اااانتى اتجننتى ازاااى تعملى كدا
جودى .. يامامى ماهى جت سليمة ومحصلش حاجة المهم يامامى دلوقتى هسافر ازاى حازم وعيلته مستنينى
الام ... هى مش فى بنت قلتى عليها هتيجى تشتغل ممرضة ليها
جودى .. ايوة
الام... خلاص سيبى الباقى عليا
.........................................
دخلت سنية الى الغرفة وهى ممسكة بسماعة الهاتف وتناولها الى الجدة صفية
سنية .....ياستى
صفية ..... خير فى ايه
سنية ....ست بسمة عايزة تكلم حضرتك على التلفون
صفية بضيق .... هاتى السماعة وروحى انتى
وخرجت الخادمة مسرعة الى عملها
صفية .... الوو ايوة يا بسمة
بسمة ( والدة جودى ).. ايوة يا طنط حمد الله على سلامة حضرتك ايه يا حبيبتى اللى حصل
صفية ... يعنى مانتيش عارفة بنتك ماقالتلكيش
بسمة ... لا قالتلى طبعا قالتلى ان حضرتك تعبتى امبارح جدا وهى حست بالذنب عشان خرجت ومش قالتلك عموما انا هضبطهالك لما تجيلى البنت دى انا بعت لحضرتك بنت من صحاب جودى هتبقى ممرضة على ما اشوف حكاية جودى معاكى وازاى تسيبك وتخرج انا كلمتها من شوية ولما عرفت قلتلها تجيلى حالا عشان اعاقبها وكمان عندها امتحان بعد كام يوم فى كورس عندها فى الكلية
انا متأسفة بالنيابة عنها يا طنط.... على ما جودى تخلص امتحان صحبتها هتيجى تراعيكى بدالها اسبوعين كدا ولا حاجة وجودى ترجع تانى تقعد معاكى ارجوكى المرادى ما تمشيش البنت
صفية بحزن عميق ... لا يابسمة خلى جودى عندك وانا لاول مرة مش همشى الممرضة لانى مش عايزة حد منكو يقعد معايا ان كنت هختار انتو ولا ممرضة هختار الممرضة انتو ماتنفعوش تبقو ولاد
واقفلت الخط بوجهها وهى تبكى بحرقة من قسوة اولادها والاكيد ان ابنها توفيق لم يعلم حتى بماذا فعلته ابنته فى حق امه ..بقلم رحاب ابراهيم
صفية ... بقى مستخسره تخلى بنتك تقعد معايا كام يوم بعد اللى عملته فيا ده كله طيب ماشى انا هخليكوا كلكوا تحرمو تجيبو سيرة ممرضات تانى وتجولى غصب عنكوا ومش همشيها بسهولة لا دنا كنت عبيطة كنت بمشى اى واحدة بتيجى من اول يوم بالعكس هخليها تقعد اطول فترة ممكنة وهذلها لحد ما هخليكوا انتو نفسكو تطلبو منى امشيها بقى بنتك كانت عايزة تموتنى ولما ماعرفتش بعتيلى حد تانى يموتنى حسبى الله ونعم الوكيل فيكوا ..دنا لو ربيت قطط كان طمر فيهم اكتر من كدا
.......................
مبنى ضخم من المبانى الحديثة ومصمم بمهارة ليناسب اسم شركات المهدى جروب
دخل امين الى قاعة مؤتمرات خاصة بالمدراء والاجتماعات ذات الاهمية الكبرى وبيده حقيبته السوداء ووضعها على منضدة طويلة يلتف حولها عدد كبير من المدراء ورؤساء الفروع ومصممى البرمجيات
امين .. صباح الخير اهلا بحضراتكم. وردو عليه الترحيب
امين لسكرتيرة ادهم فى المكتب
امين ... امل فرقى التقارير دى على الحضور بسرعة ادهم بيه فاضله خمس دقايق ويكون هنا
امل .. حاضر يا فندم وقامت بما طلب منها وبمجرد توزيع التقارير تجمعت النظرات المتفاجئة بينهم وبعضها نظرات استفهام مما يوجد بالتقارير وفى غضون دقائق تالية
دخل ادهم بكل اتزان وثقة رجل اعمال من التراز الثقيل رغم صغر سنه بالنسبة لمكانته
ادهم .. صباح الخير
كل الحضور .. صباح الخير يا فندم
ادهم .. اظن التقارير من دقايق كانت فى ايديكم وشوفتوها واللى عايز اقولهلكم
ان شركة نيكولاس چين بقت من ضمن شركات المهدى
كانت نظرته ثابته عليهم يلتقى ردة فعلهم من الزهول باعينهم والحيرة
واضاف جملة بعدها
ادهم .. شركة نيكولاس چين اللى فى مصر بقت من ضمن املاكى وكمان اخدت اسهم فى الفرع الرئيسى اللى موجود فى لندن ... وهنتعامل معاها بشكل مكمل
بمعنى اننا بنحتاج لشركة استيراد وتصدير وشحن لشغلنا .. وقد وجدت.
واكمل بثقة .. اظن كلامى واضح
ردو عليه بتردد واحدا بعد الاخر .. مفهوم يا فندم
امين يردد فى نفسه ...انت عرفت تاخدها من نيكولاس ازاى عموما انا بدأت افهم
ادهم .. حد عنده اى استفسار بخصوص الموضوع ده
رد عليه احد الموجودين .. لا يا فندم كلام حضرتك مفهوم وبالنسبة لشركة نيكولاس فهى هتبقى دعم كويس جدا لشركتنا وهتوفر علينا وقت وتحكمات شركات الشحن والتصدير
ادهم .. تمام .. كدا الاجتماع انتهى بالتوفيق للجميع
وقام وقف وبعد دقيقة خرج من قاعة الاجتماعات بخفة ودخل مكتبة
.........................
استيقظت نيرمين متأخرة كانت الساعة دقت الواحدة بعد الظهر خرجت لتغتسل ورأت اميرة على وشك الانتهاء من الاعمال المنزلية
نيرمين وهى تفرك عينيها ...صباح الخير
اميرة .. صباح النور يا نيرمين
نيرمين .. هى ليلى خرجت امتى ماحستش بيها
اميرة ... من ساعتين كدا
نيرمين . طيب ماشى ونظرت لها وهى تنظف اخر شق فى المطبخ بنظرة لئيمة شامته ولسان حالها يقول متستعجليش على الهم يا ميرووو دانتى هيطلع عينك بس اصبرى دانتى رايحة عند واحدة هطلعه عينك وهتهد حيلك وضحكت دون ان تشعر
اميرة وقد لاحظت شرود نيرمين وضحكتها غير المبررة ...ايه هو البوتجاز بيضحك ولا ايه
نيرمين ... ها. لا افتكرت حاجة كدا ماتشغليش بالك انتى
وتركتها ودخلت تغتسل وخرجت من الحمام وهى تردد اغنية وجلست على مقعد امام شاشة التليفزيون ووضعت اللاب توب على قدميها وتفاجئت ان جودى ارسلت لها رسائل عبر البريد الالكترونى ونص الرسالة
نيرررررمين فينك يابنتى عمالة اتصل بيكى على الفون مش بتردى
دخلت نيرمين مسرعة الى غرفتها وامسكت هاتفها وتفاجئت بكم الاتصالات من جودى وقامت بالاتصال بها
نيرمين .. الوو
جودى .. ايوووة يابنتى انتى فين من الصبح برن عليكى ومش بتردى
نيرمين ..كنت نايمة وماحستش
جودى .. المهم عملتى ايه فى الموضوع بتاعنا
نيرمين .. بصى البنت هتيجى النهاردة مع واحدة صاحبتها وليلى هتيجى معاهم دورك انتى بقى انك تعاملى ليلى زى ما بتعاملينى كدا
جودى .. ازاى
نيرمين .. مش وقت غباوة يا جودى يعنى تعامليها على انها صحبتك وكدا اه كمان قبل ما انسى ليلى اتفقت معاهم على الشغل هيبقى شهر والمرتب ٣ الاف جنيه
جودى .. ياستى موافقة المهم اخلص
نيرمين .. كدا تمام
جودى بفرحة ... وكمان ماما لسه متصلة بيا ناو وقالتلى انها قالت لتيتا انها عايزة تعاقبنى وهتجيب واحدة من صحباتى كام يوم لحد ماتربينى على اللى عملته يعنى ههههههههههههه
نيرمين ... ههههههههههههه هو اللى هيتربى بجد مش انتى خااالص حد تانى
جودى ... البنات هيجو امتى وخدو العنوان ؟
نيرمين .. اه خدو العنوان واول ما يطل
من غير ما تشوفك
جودى ... انا بقالى ساعتين بفكر اعملها ايه مش عارفة ومش لاقية حل دى مرقبانى ولا كأنى فى سجن
نيرمين ... لو معاها اى مرافقة ليها او ممرضة خليها تشغلها شوية لحد ما تطلعى
جودى ... ههههههههههههههه ممرضة او مرافقة انتى طيبة اوى يا نيرمين
دى بتطلع عين اى ممرضة او مرافقة تيجليها وبطفشهم وبتعاملهم اسوء معاملة
نيرمبن ... ااايه ده هى شرسة اووى كدا
جودى ..هى مع احفادها وولادها حنينة جدا وبتبقى مع الممرضات وحش بتكرهم بس انا عارفة هى بتعمل كدا ليه
نيرمين بفضول(وهى تفكر فى امر ما وتنظر الى اميرة والجرنال ) ... ليه
جودى ... هى بتعمل كدا عشان عايزة حد من عمامى يجى يعيش معاها مش عايزة حد غريب
نيرمين ... اممممممممم بصى مش مهم ده كله هتيجى ولا لاء
جودى ... هحاااااول ويلا سلام عشان ما تسمعنيش
نيرمين . سلام باااى
وقفلت الخط وقامت لتجهز نفسها لحفلاتها اليومية الذى لا حصر لها
وظلت اميرة تبحث فى الوظائف بعيدا ولم تبالى باى حديث دار
فى حين ان نورا قد انتبهت الى بعض من الحوار الذى دار للتو ولكنها لم تبالى ايضا
.............................................
فى حفلة صااخبة باحد الفلل الفخمة يلتفون عدد كببر من البنات والشباب حول تورته عيد الميلاد ويحتفلون بعيد ميلادها ثم لمحت نيرمين جودى من على بعد وذهبت اليها مرحبة بحرارة
نيرمين ... مش مصدقة جووووودى فلتى ازااى يابنت اللذينة
جودى ..... هههههههه مش قلتلك هحاول وادينى نجحت
نيرمين .... عرفتى تهربى ازاى
جودى ... اديتلها منوم قولتلها ان بطنى وجعاااانى اوى وهتصل بحد يجبلى دوا من برا وروحت اتصلت بواحد صاحبى يجبلى منوم عشان مش عارفة انزل وحطيتهولها فى العصير وشربته من هنا وبعدها بعشر دقايق نااااامت
نيرمين بقلق ... .انتى متاكدة من الدوا ده ربنا يستر ومايحصلهاش حاجة
جودى وقد بدء يتسلل لها بعض الخوف ... ماتخوفنيش بقى سيبينى اروح اشوف حبيبى دنا مش همشى النهاردة غير لما اخد رقم فونه وبعدين طارق قالى انه هينيمها وهتقوم عادى بعد كام ساعة
نيرمين ...طاااارق الله يخربيتك ربنا يعديها على خير
وعموما يلا بسرعة ادخلى اصل المز البنات نمل حواليه وممكن واحدةتعلقه منك
جودى ... طب تبقى واحدة تقربله كدا
ٌّ..........................................
فى احد المبانى الضخمة فى منطقةراقية جدا بالقاهرة وفى الطابق الثالث يوجد شقتين مطلة احداهما على الاخرى منهما شقة تخرج منها سيدة بسيطة يبدو انها الخادمة مسرعة لاهثة للشقة المجاورة حتى دقت جرس الباب بخوف واضح واكملت بيديها دق على الباب حتى ينجدها احد وبعد دقيقة فتحت لها سيدة فى اواخر الخمسينات من عمرها ويبدو عليها انها مدبرة منزل او رئيسة الخدم
الخادمة ... ااااااالحقينى ياااست سعااد
سعاد .... مااالك يا سنية فى اايه
الخادمة .. الست الكبيرة مش بتنطق وعمالة اصحى فيها تفتح عنيها وتغمض ومش بتقوم خااالص
سعاد .. مايمكن نايمة وتايهة فى النوم شوية يابت
الخادمة .. لا مستحيل هى مش بترد عليا انا خايفة لايجرالها حاجة ياااالهوى
سعاد .. طب استنى هستأذن واجيلك روحى انتى ولحظة واجيلك
الخادمة .. بسررعة والنبى يا ست سعاد ابوس ايديكى
سعاد .. حاضر روحى انتى بس
ثم هرولت الخادمة الى الشقة مرة اخرى ودخلت على سيدتها وهى تبكى واقتربت منها واخذت توقظها على امل ان الاخرى تفيق
الخادمة ... ياست صفية ياست صفية والنبى تقومى انا مش عارفة اعمل حاجة وخايفة يچرالك حاچة ولا عارفة اروح لدكتور ولا عارفة اقرا اى اسم من عيالك واتصل بيه
...............................
دخلت سعاد الى الشقة الفارهة الثراء حيث رأت احدى الخادمات تحمل صينية وعليها كوب من القهوة وكوب ماء وكانت تقترب لغرفة المكتب نظرت لها سعاد بحدة
سعاد .. انتى يابت انتى راايحة فين
صباح .... البيه بعت الحارس وطلب قهوة يا ست سعاد وانتى ماكنتيش هنا
سعادبغيظ .... ناديلى مش موجودة نادى عليا او استنينى انا بس هنا اللى ادخل للبيه فااااهمة
صباح بخوف ... حاضر ياست سعاد حااضر
سعاد .. هاتى الصنية دى وغورى انتى
ثم اخذت صينية القهوة واقتربت من غرفه واسعة ودقت بخفوت حتى اتاها صوت رجولى عميق
تغيرت ملامح سعاد الى الابتسام فى لحظة ووضعت فنجان القهوة على منضدة صغيرة بقرب المكتب فهى تعودت على ذلك وتدرك النظام
سعاد ... قهوة حضرتك يا ادهم بيه
بحيث كان الاخر مواليها ظهره وينظر الى النافذة الكبيرة وهو متعمق التفكير
ادهم ..سبيها ومادخليش حد عليا نهائى
سعاد .... ادهم بيه كنت عايزة استأذن حضرتك اروح اشوف الست الكبيرة اللى فى الشقة اللى قصادنا عشان تعبانة جدا ومحدش معاها
ادهم باستغراب ... طب وبتستأذنى ليه هى دى حاجة محتاجة تستأذنينى روحى وهكلم الدكتور بتاعى يحصلك
ثم ذهبت سعاد متجهة لجارتها المريضة .......
.................
بعد مرور نصف ساعة
وقد بدأت المريضة تفيق بعض الشئ
الدكتور معتز ... حمد الله على سلامة حضرتك
المريضة وهى فى حالة اعياء ... الله يسلم ..ح ضرتك اايه ال اللى حصلى
الدكتور .. هو حضرتك بتاخدى منوم او اى دواء فى نسبة مخدر
المريضة .. لا
الدكتور ... انتى خدتى دواء عملك هبوط حاد وانتى ما استحملتيهوش بس ربنا ستر ارجوكى ماتخديش اى دواء الا بعد ما تستشيرى دكتور متخصص لحالة حضرتك النهاردة بفضل الله عدت على خير بس المرة الجاية الله اعلم .. وانا مش كل مرة هيبقى عندى اجازة وهجيلك بسرعة وابتسم لها ابتسامة واسعة حتى بادلته ابتسامة حزينة
المريضة .. هو حضرتك ساكن جنبنا هنا .. اصلك لابس ترنج مش زى الدكاترة خاالص
الدكتور ... بحب ابقى كاچول معلش وبحب اجرى شوية بعد العشا
المريضة .. وتجرى ليه يابنى
الدكتور ... مش لازم اجرى على اكل عيشى وادينى جتلك اهو
استأذن انا بقى .. السلام عليكم
ومن ثم خرج وفى خروجه خرجت وراه سعاد
سعاد .. يا دكتور استنى
معتز .. ايوة يا دادة فى حاجة ولا ايه
سعاد ... هى ست صفية مالها وعندها اايه بالضبط
معتز .. بصى يا دادة هى مايحصلهاش كدا الا لو اخدت نوع مخدر عااالى جدا عليها لان مش كل انواع المهدئات ممكن تعمل كدا دى كان ممكن تروح فيها
سعاد ... طب الحمد لله يادكتور ربنا سترها صحيح قبل ما انسى ادهم بيه بعت وبيقول لحضرتك روحله بعد ما تخلص
معتز ... اوك رايحله من نفسى هو انا هخاف منه يعنى بعضلاته دى
سعاد ضاحكة ... هتفضلو ناقر ونقير طول عمركو
...............
رقصت چودى على اغانى الحفلة البطئ منها والسريع حتى تلفت انتباه حازم اخو صديقتها داليا ولفتت انتباه بالفعل وتحدثو كتيرا وتبادلوا ارقام الهواتف وصمم ان يصلها الى المنزل بنفسه حتى التفتت الى نيرمين التى كانت تشير لها استاذنت من حازم وذهبت لنيرمين
جودى بسعادة .... نيموووووو شوفتى ههههههههههههه انا محدش يقدر يغلبنى ابدا الواد بقى فى ايدى خلاااااص
نيرمين بسخرية ... انتى متأكدة انه هو اللى فى ايدك يعنى مش العكس
جودى بثقة ... ايوة طبعا انتى مش شايفة ولا ايه انتى ما شوفتيش لما سا...
نيرمين مقاطعة ... بس بس خلاص شوفت بس خلى بالك من نفسك بقى ها خلى بااالك
جودى ... طيب طيب انا همشى بقى عشان حزووم
نيرمين بضحكة عالية ... طب يلاا عشان حزوم بيناديلك يا حلووة
ذهبت جودى لحازم ودخلت سيارته بعد ما فتح لها باب السيارة بشكل تمثيلى
ومن ثم ذهبو متجهين لبيت جودى
...........................
فتح معتز باب غرفة المكتب دون استأذان
معتز ... يعنى تجبنى على ملا وشى من اجازتى وقلنا ماشى واجب الصحاب
تقولى انك انت اللى تعبان واجى بالترنج الاديدس جرى ملحقش اغير وقلنا معلش ده العشم
الاقى حد تانى اللى تعبان ومش انت اصلا .. بيوجب مع الجيران.. تعدى
لكن اجى اسلم عليك وانت مدينى ضهرك كدا يبقى اللى زيك مش لازم يعيش ليوم التلات
ادهم .. انت بتشرب المحاليل بتاعت المستشفى عشان تبقى خفيف كدا يا دكتور .
وتعانقوا طويلا باشتياق الاصدقاء وسط ضحكات كلايهما
ادهم .. ظ£ شهور ما اشوفكش فى صاحب ندل كدا
معتز ... كنت مسافر والله انت عارف انا مش فاضى احلق ومسافر تانى الاسبوع الجاى
ادهم .. اه ماهو باين على شكلك الله يعينك
معتز .. شكلى ماله شكلى منا مزز اهو ولا عشان مش عنيا زرقا ولونى مش اسمر زى حضرتك وماعنديش تفاحة ادم
ادهم .. نفسى تتكلم دقيقتين على بعض من غير افيهاتك البايخة
معتز .. خلينالك انت الهيبة ياعم المهيب تلاعبنى رست
وفضلو هكذا كعادتهم ..........
......................
وصلت جودى امام المنزل وهمت بالنزول ولكن حازم امسكها من معصمها
حازم .... مش هاشوفك تانى
جودى ... انت عايز تشوفنى تانى
حازم بخبث .... لو انتى عايزة فأكيد هكون حابب ده اووى
جودى ... لما تحب تشوفنى رقم فونى معاك اوكااى
حازم ... اوك ياقمر
جودى .. باااى........ وخرجت من السيارة وهى فى منتهى السعادة
حازم بااااى .. وذهب مبتعدا
..........................
معتز .... طيب انا جيت رفهت عنك شوية بدل ما حياتك شبه الفيلم التسجيلى كدا امشى انا بقى
ادهم ... اتفضل الباب هناك اهوووو. واخرج المسدس من درج مكتبه ووضعه امامه واكمل
ادهم ... لو قلتلك اقعد ولا خليك شوية اضربنى بالمسدس ده
معتز ... ماشى يا حبيب قلبى حاضر المرة الجاية اجيب معايا طلق ولا اجبلك ابرة طلق اسهل اسهل
ادهم كتم ضحكته .... عندى اجتماع بكرا ومش فاضيلك خد الباب وراك
معتز وهو خارج .... واخد الباب ليه مانا عندى باب شقتى ابلاكاش عاشق ومعشوق مترين فى متر ونص ومتاخد وش بويه معتبر احلى من ده وبعين سحرية
مش زيك يخربيت دى عشرين جنيه اللى تخليك تتغر انا ماشى ياعم
وكعادتهم ايضا يبدأون لقائهم بضحك ويفترقون بضحك خرج معتز من الشقة ونزل اول درجات من السلم حتى سمع اصوات كعب تبدو انها تصعد ونظر لاسفل حيث رأء جودى وهى تجرى ويبدو عليها الفرحة وتصعد درجات السلم كالطفلة
معتز .... الله ايه ده مين العسولة دى هستناها على ماتطلع
ولا انزل ونتقابل صدفة والكتب تقع على الارض ونبص لبعض والموسيقى تشتغل ؟؟؟ لا لا دى لابسة فستان سهرة كتب ايه اللى هتقع ؟ طب ايه اللى هيقع ؟ اقع انا ويغمى عليا لا بردو
وبص للبسه يا فضحتى الترنج الاديدس دارونى يناااس
استخبى فى الاسانسير ؟ لا هو انا حرامى شباشب
وقف على السلم ووضع يديه فى جيبى بنطاله بمنتهى الثقة وجودى وصلت الى شقة جدتها
معتز مواجه جودى على السلم .. كنتى فين يا هاااانم وايه اللبس ده
جودى نظرت له باستغراب واعتقدته مجنون او يشبه عليها ... نعم ؟؟؟ انت مين وبتكلمنى كدا ازاى اصلا !!!!!
معتز ... انا مبسوط انك سألتى السؤال ده انا معتز دكتور باطنى واسنان
كادت جودى ان تضحك ولكنها اسرعت الى الشقة غير مبالية بيه وتركته يقف وحده وقفلت الباب فى وجه
معتز .. حبتنى
.............................
كانت نيرمين تسوق حتى اتاها اتصال من جودى
نيرمين .... الوو اايه يابنتى ههههههه انتى ما عرفتيش تنامى من كتر الفرحة ولا ااايه
جودى ... طب اتنيلى واسكتى جيت لقيت تيته تعبانة والدكتور جالها وكشف عليها وكانت ممكن يجرالها حاجة لولا ستر ربنا وحاولت ادخل عليها طردتنى من اوضتها وقالتلى انى انا السبب فى اللى جرالها وانى كنت عايزة اموتها عشان ارتاح منها
نيرمين .. معقوووول ده حصل بس هى عرفت منين انك السبب
جودى .. انتى برضو يا نيرمين هتقولى انى السبب انا ماكنتش عايزة اموتها مستحيل طبعا كنت بس عايزاها تنام ساعتين لحد مارجع المشكلة والمصيبة بقى ان بعد ده كله واول ما دخلت اوضتى حازم اتصل بيا وقالى انه عايزنى اسافر معاهم اسكندرية اسبوعين وعايز يتعرف عليا اكتر وانى وحشته اوووى مجرد ما سابنى
نيرمين ... الحنين
جودى .. مش فايقة لكلامك قوليلى اعمل اايه
نيرمين وقد هبت فى افكارها شئ وابتسمت بمكر شرير ... جودى هى جدتك دى شرسة جدا صح
جودى ... جداااا
نيرمين طب بصى بقى واسمعينى للاخر وهتنفذى كلامى بالحرف اوك
جودى ... لو خطتك هتخلينى اعرف اسافر مع حازم موافقة طبعاااااااا
نيرمين .... تماااااام اسمعى بقى ............
................................
اميرة قد يئست من البحث فى الجرنال ولا يوجد اى وظيفة مناسبة ليها نهائى
اميرة .... كل الشغل اللى موجود وقته كبير جدا مش هيمشى مع محضراتى خاالص يا نورا
نورا ... انتى هتيئسى من اولها لا اصبرى كدا وهنلاقى ان شاء الله
اميرة .... يا مسهل الحال يارب هروح اصلى العشاء عشان ما يروحش عليا
نورا ... ماشى حبيبتى
ذهبت اميرة للصلاة فى غرفتها وبكت لربها من الحزن
ليلى خرجت من غرفتها بهدوء وهى مترددة بعض الشئ وجلست بجوار نورا
ليلى ... نورا هى اميرة فين
نورا باستغراب ... رااحت تصلى ليه
ليلى .. ليه اايه بسأل عليها .بلاش
نورا .... لا ياستى هى راحت تصلى ادعيلها ربنا يصبرها
ليلى ... ربنا يصبرها يااارب ويوفقها وتلاقى شغل كويس
نورا ... ااااامين .. بس اايه الحنية دى يا ليلى
ليلى بقلق ... حنية !! هو انا قاسية اوووى كدا طب ايه رأيك بقى انى لقيتلها شغل من كتر ماهى صعبانة عليا ونفسى اساعدها قعدت اسأل صحباتى على شغل
نورا بصدمة ..... ااااانتى !!!!! طب وشغل ايه بقى ان شاء الله
ليلى ... بصى اعرف واحدة من صحباتى جدتها تعبت اوووى النهاردة وهى بتغرق فى شبر مية وغير كدا ان وراها سفرية مهمة اووووى لازم تروحها وهتقعد شهر
نورا .... اه كملى
ليلى .... على فكرة انا شايفة ان الشغلانة دى انسب شغل لاميرة المكان فى منطقة هااااى اوووى وكمان قررريب جدااا من الجامعة عشر دقايق كدا يعنى مش هيبقى فى مواصلات اصلا وكمان اقامة والست عايشة لوحدها وفى حالها
نورا بتمعن ... طب واميرة هتعملها ااايه يعنى
ليلى متحمسة ... اميرة هتبقى الممرضة بتاعتها هتظبطلها مواعيد الدواء وتقسلها السكر والضغط وتقعد جنبها اكنها عايشة مع والدتها
نورا ... طب ليه صاحبتك ما تجبش ممرضة ليها ؟؟؟
ليلى ... جدتها تعبت النهاردة والبنت المفروض هتسافر بعد بكرا ومافيش وقت تتدور على ممرضة وكمان هى عايزة حد يكون موثوق فيه مش اى حد
نورا .... طب ماشى يا ليلى هشوف الموضوع ده واقولك
ليلى بغيظ ..... تقوليلى اايه هو انتى اللى هتشتغلى وانتى مالك
نورا ... لا مالى واميرة بعتبرها اختى وهفكر معاها مش هسيبها لوحدها
ليلى ... عموما قوليلها وخليكى فكرة الوقت ضيق وفى الف واحدة مستنية شغلانة زى دى واه قبل ما انسى المرتب هيكون ظ£ الاف جنيه فى الشهر ثم ذهبت وتركت نورا تتخبط فى افكارها
نورا وهى تحدث نفسها ... اقاامة ومرتب عاالى كدا عشان بس تبقى جليسة سيدة مسنة هى شغلانة ما تتعوضش لو بجد بس انا قلقانة من ليلى ومش مستريحالها
اميرة... نورا انا هشتغل الشغلانة دى
نورا وهى متفاجئة ... انتى سمعتى
اميرة.... ايوة سمعت انا شايفة انها فرصة بالنسبالى ما تتعوضش
نورا ... مش عايزين نتسرع نروح ونشوف بس الاول
اميرة بحزن ..... لا انا اللى هروح لوحدى عايزة اعتمد على نفسى واواجه الدنيا لوحدى ومتخافيش مهما كانت ليلى عملت فينا حاجات وحشة قبل كدا بس مش هتوصل للاذية اللى فى دماغك هى مش وحشة للدرجادى
نورا ..... انا عارفة انها مش مؤذية لكن بردو قلقانة
نورا ..... انا عارفة انها مش مؤذية لكن بردو قلقانة منها
اميرة..... سيبها على ربنا
......................
استمعت ليلى للحوار الذى دار بين اميرة ونورا وابتسمت بانتصار واتصلت بنرمين
نيرمين .... ايوة يا ليلى ها عملتى اللى قولتلك عليه
ليلى ..... ايوة والحظ الحلو بقى ان اميرة سمعت لا وااايه هى اللى اقنعت نورا مش العكس ههههههههههههه زى ما كنا فاكرين
نيرمين ......... ههههههههههههه هتروح لقضاها عشان تتربى وتبطل دور الملاك اللى عايشة فيه وعملالى ست البريئة
ليلى .... تتربى من غير اذية يا نيرمين مش عايزين نروح فى داهية
نيرمين ... اذية ايه يا غبية وانا هستفاد اايه لما تتاذى انا بس عايزاها تتربى شوية اقفلى يلااا انا وصلت اهووو عند البيت
اقفلت نيرمين الهاتف ووقفت بالسيارة امام بوابة العمارة وهى تضحك
نيرمين ........ هابى تايم يا ميروووووووووووووو اخيرا هشوفك بتتذلى.
ليست هناك تعليقات:
إرسال تعليق
يمنع التعليقات المسيئة للذوق والخلق العام